Famiglias
Silvaplauna spordscha üna stupenda qualited da viver – be güst sper il lej, be güst sper il territori da skis, immez il paradis.
Chüra d'iffaunts
In Engiadin'Ota pissera la Fundaziun KiBE per la chüra d'iffaunts professiunela e conscienzchusa. Famiglias vegnan sustgnidas in tuot las situaziuns da la vita, saja que i'l minchadi u per pudair cumbiner famiglia e mister.
Nouva chüra d'iffaunts a Silvaplauna - Chüra Marmotta
In sanda, 10 avuost 2024 es gnida inaugureda la "Chüra Marmotta" a Silvaplauna cun chüra d'iffaunts professiunela e scoulina publica.
Illa chüra dîffaunts, chi vain mneda la Funadziun KiBE, vegnan chüros iffaunt in gruppas da differentas eteds traunter trais mais fin al cumanzamaint dalla scoulina.
Il böt es da promover ils iffaunts in Engiadin‘Ota in lur svilup da lur competanzas sozielas, creativas e musicalas.
Öffnungszeiten
Lündeschdi fin venderdi da las 07.30 a las 18.30 Uhr
Mnedra da la Chüra Marmotta
Bärbel Kaspar
+41 (0)81 515 07 04
marmotta@kibe.org
La spüerta da la KiBE Engiadin'Ota
La Fundaziun KiBE (chüra d'iffaunts) in Engiadin'Ota sustegna e cussaglia a genituors in tuot las dumandas da la chüra d'iffaunts cumplementera a la famiglia. Ella maina las quatter canortas Capricorn a Puntraschigna, Chüralla a Samedan, Muntanella a San Murezzan e Randulina a Zuoz e spordscha plazzas in famiglias dal di in tuot l'Engiadin'Ota. Totelmaing vegnan spüertas 114 plazzas da chüra in canortas. Per chi chi preferescha ün ambiaint pü familier, s'adattan las famiglias dal di. Per iffaunts ill'eted da 3 mais a 16 ans procura la Fundaziun KiBe plazzas da chüra in famiglias dal di amuraivlas e premurusas. Ils genituors dal di chüran a Lur iffaunts a chesa in ün ambiaint familier – regulermaing, ad uras, düraunt mezs dis u dis inters.
Gruppa da gö
La gruppa da gö ho lö in mardi e venderdi bunura da las 8 a las 10.30 a Silvaplauna.
Cuosts
1 di = CHF 220.– per semester
2 dis = CHF 250.– per semester
Sgüraunza
Ils iffaunts nu sun sgüros illa gruppa da gö. Que es illa respunsabilted dals genituors.
Contact
Duonna Gabriela Eberhart-Züger
mnedra da la «Canorta» incl. gruppa da gö
t +41 81 838 70 78
mail canorta@silvaplana.ch
Illa gruppa da gö da Silvaplauna, mneda in möd professiunel, haun iffaunts da trais e quatter ans la pussibilted da's preparer optimelmaing per la scoulina. Ils iffaunts imprendan illa gruppa da gö sper abilteds da motorica fina e groba eir da giuver in möd sociel ün cun l'oter. La gruppa da gö da Silvaplauna es facultativa, po però esser ün grand avantag per iffaunts prümgenuieus, iffaunts unics u iffaunts da linguas estras. In mardi e venderdi bunura da las 8 a las 10.30 accumpagna e sustegna l'educatura d'iffaunts pitschens diplomeda Gabriela Eberhart ils iffaunts illa canorta in chesa da scoula da Silvaplauna.
Gimnastica per genituors ed iffaunts (Muki/Vaki)
Illa gimnastica per mamma-iffaunt u bap-iffaunt imprendan ils iffaunts in möd ludic a fer cupiroulas, a clapper e bütter ballas e bger oter. Ill'eted da trais fin tschinch ans as mouvan ils iffaunts gugent in üna gruppa cun oters iffaunts e creschieus. Ch'Ella/El vegna cun Sieu iffaunt a fer gimnastica in Sia vicinanza.
La gimnastica per genituors ed iffaunts ho lö in venderdi da las 9.30 a las 10.30 illa sela da gimnastica da la scoula da Silvaplauna.
Contact
Duonna Flavia Gritti
mnedra da la gimnastica per genituors ed iffaunts a Silvaplana
t +41 79 311 99 92
Cussagliaziun da genituors in Engiadin'Ota
La cussagliaziun da genituors da la Fundaziun pel provedimaint da sandet d'Engiadin'Ota (FPSEO) es respunsabla per l'Engiadin'Ota e Bassa scu eir per las valledas dal süd.
La cussagliaziun da genituors es üna spüerta chi sustegna a famiglias ed es il prüm post da consultaziun in connex cun dumandas da tuottas sorts davart la promoziun tampriva, da la naschentscha fin ill'eted da tschinch ans. La cussagliaziun da genituors es facultativa, gratuita e confidenziela e vain sustgnida da l'Uffizi da sandet dal Grischun.
Promoziun tampriva
Cumünaivelmaing per l'avegnir da noss iffaunts - Strategia promoziun tampriva in Engiadin'Ota
Cun sustegn da l'uffizi da sandet dal Grischun haun las vschinaunchas in Egniadin'Ota fundo ün program cumünaivel per la promoziun tampriva da noss iffaunts pü pitschens.
Infurmaziuns davart las premissas da partenza optimelas grazcha a la promoziun tampriva
Promoziun tampriva
Culla spüerta da furmaziun da «Wunderfitz und Redeblitz» imprendan iffaunts da linguas estras ill'eted da trais a ses ans la lingua tudas-cha in gruppas pitschnas da maximelmaing ses iffaunts.
Reducziuns
Abunamaints da skis e da bus per iffaunts e giuvenils
Iffaunts e giuvenils chi vivan a Silvaplauna survegnan reducziuns da predsch per abunamaints da skis e da bus. Ch'Ella/El as drizza per plaschair a la controlla d'abitants da la vschinauncha da Silvaplauna.
