Cookies 🍪

Quista pagina d'internet applicha cookies chi drouvan il consentimaint.

head
Inavous

Impostas

La vschinauncha da Silvaplauna ho ün'allianza d'impostas culla vschinauncha da San Murezzan. Per quist motiv as rechatta il büro da l'uffizi d'impostas cumünel a San Murezzan. Lo chatta Ella/El tuot las infurmaziuns davart las impostas scu eir davart las taxas da giasts e da turissem.

La lezcha principela da l'uffizi d'impostas es la taxaziun da las impostas chantunelas sül guadagn e sülla faculted scu eir da l'imposta federela directa da persunas natürelas. Taxedas vegnan las persunas cun activited da guadagn dependenta, las persunas pensiunedas e las persunas cun oblig limito da pajer impostas.

Uffizi d'impostas
Via Maistra 12
7500 San Murezzan
Öffnungszeiten
LÜ - VE
08:00 – 12:00 Uhr
14:00 – 17:00 Uhr

Daspö ils 1. schner 2021 as rechatta il büro da l'uffizi d'impostas cumünel da Silvaplauna a San Murezzan (allianza d'impostas San Murezzan). Ch’Ella/El telefona per plaschair al numer t +41 81 836 30 41 per fixer ün termin.

Ihr Kontakt
Andri Lüthi

Inoltrer la declaraziun d'impostas

La declaraziun d'impostas stu gnir inoltreda a l'uffizi d'impostas chantunel:

Administraziun d'impostas dal Grischun
Center d'elavuraziun 1/KO
Steinbruchstrasse 18
7001 Cuira

Champs d'incumbenzas

  • administraziun dal register d'impostas

  • taxaziun da persunas cun activited da guadagn dependenta e da persunas cun oblig limito da pajer impostas.

  • zavraunzas d'imposta intercumünelas ed interchantunelas

  • taxaziun e facturaziun da las impostas specielas (impostas sün müdamaints da possess)

Taxas da giasts e da turissem

Per promouver il lö da turissem Silvaplauna inchascha la vschinauncha da Silvaplauna üna taxa da giasts e da turissem.

Taxa da giasts

Mincha persuna natürela chi pernottescha illa vschinauncha da Silvaplauna e nun ho lo ne ün domicil da dret civil ne ün domicil fiscal primar es oblieda da pajer üna taxa da giasts. La taxa da giasts vain inchascheda per pernottaziun. La taxa da giasts per giasts chi pernotteschan in ün albierg es cumpraisa illa taxa da turissem.

Taxa da giasts per pernottaziun incl. taxa da trafic
d'inviern CHF 4.40 | da sted CHF 4.25

Taxa da turissem

Mincha activited d'intrapraisa resp. activited in üna professiun libra illa vschinauncha da Silvaplauna es suottamissa a la taxa da turissem. Üna taxa da turissem haun da pajer:

  • proprietarias e proprietaris d'albiergs

  • fittedras e fitteders da chesas ed abitaziuns da vacanzas

  • intrapraisas da commerzi, da misteraunza, da servezzans e d'agricultura scu eir restorants publics

La calculaziun da la taxa da turissem as po consulter illa Ledscha davart las taxas da giasts e da turissem (chascha d'infurmaziun suotvart).

Las entredgias da las taxas da turissem drouva la vschinauncha surtuot per expensas a favur da l'economia turistica.
Danke für Ihre Anmeldung.