Servezzans d'abitants

«Bainvgnieu a Silvaplauna!» – nus ans allegrains da La/da’L pudair bivgnanter in nossa bellischma vschinauncha. Chi chi vain a ster cò, stu s‘annunzcher tar nus infra 14 dis zieva la müdeda.

Svizras e Svizzers drouvan ils seguaints documaints per s'annunzcher:

• attest da vschinedi

• carta da la chascha d'amalos

• cudaschin da famiglia (scha avaunt maun)

• contrat da fittaunza

• formuler da retschercha per Svizras e Svizzers (implir ouravaunt u sül lö, guarda link-box)

Las taxas d'annunzcha per Svizras e Svizzers importan CHF 15.- per persuna/famiglia.

Pitschen tip: Aunz cu s'annunzcher, stu Ella/El aviser Sia partenza a la vschinauncha da domicil anteriura.

Persunas da naziunalited estra drouvan ils seguaints documaints per s'annunzcher:

• passaport valabel (per vschinas e vschins da l‘UE/AECL basta eir la carta d‘identited)

• legitimaziun d‘esters (scha avaunt maun)

• dumanda pel permiss da dmura (scha avaunt maun) implida our dal patrun (formuler A1 per vschinas e vschins da l‘UE/AECL)

• cumprouva da la chascha d’amalos (rinviamaint: Uffizi federel da sandet publica)

• adressa a l'ester

• formuler da retschercha per persunas da naziunalited estra (implir ouravaunt u sül lö, guarda link-box)

Abita Ella/El be düraunt Sieus dis da lavur resp. dis da scolaziun a Silvaplauna ed ho Ella/El Sieu center da vita in ün oter lö? Alura po Ella/El s’annunzcher tar nus scu dmuranta u dmurant düraunt l’eivna. Dmurantas e dmurants düraunt l’eivna abitan be düraunt lur dis da lavur resp. dis da scolaziun a Silvaplauna. Ils dis libers stögliane turner in lur lö da domicil.

Illa vschinauncha da Silvaplauna es il permiss per la dmura düraunt l’eivna valabel be per üna stagiun: adüna pels 30 avrigl e pels 30 settember stu’l gnir renovo. Dmuras düraunt l’eivna sun per princip be soluziuns temporeras.

Per s’annunzcher drouva Ella/El ils seguaints documaints:

• certificat da vschinedi

• carta da la chascha d'amalos

• contrat da fittaunza

• formuler da retschercha (implir ouravaunt u sül lö)

Las taxas d’annunzcha importan CHF 15.– per persuna/famiglia.

Sülla plattafuorma eUmzugCH po Ella/El annunzcher Sia müdeda directamaing online. Ella/El nu spargna in quist möd be il viedi al fnestrigl, dimpersè eir la taxa per la registraziun da Sieu müdamaint d‘adressa. Tenor ledscha stu il müdamaint d’adressa gnir annunzcho infra 14 dis zieva la müdeda. Da druver eUmzugCH es facultativ e nu chaschuna cuosts supplementers in conguel cun l’annunzcha al fnestrigl.

Formulers importants

• Erhebungsbogen Ausländer:innen B und C, DE

• Erhebungsbogen Ausländer:innen B und C, IT

• Erhebungsbogen CH-Bürger:innen, DE

• Erhebungsbogen CH-Bürger:innen, IT

• Erhebungsbogen Wochenaufenthalt, DE

• Erhebungsbogen Wochenaufenthalt, IT

Formulers importants da la pulizia d’esters

• A1 Gesuchsformular DE

• A2 Gesuchsformular DE

• B1 Gesuchsformular DE

• B2 Gesuchsformular DE

• Abmelde-Erklärung / Definitiver Wegzug ins Ausland

• Domanda di permesso per stranieri UE/AELS (A1)

• Ricongiungimento familiare UE/AELS (A2)

• Domanda di permesso per stranieri (B1)

• Ricongiungimento familiare (B2)

• Notificazione di partenza/Trasferimento definitivo all’estero

Ella/El vo davent da Silvaplauna? «A revair!» – que ans displescha fich, ma nus La/Al giavüschains tuot il bun in Sia nouva patria. Ch’Ella/El nu schmauncha: Sia partenza stu gnir aviseda infra 14 dis a nossa controlla d’abitants.

Svizras e Svizzers drouvan ils seguaints documaints per aviser lur partenza:

• quittaunza da las scrittüras deponidas

Persunas da naziunalited estra drouvan ils seguaints documaints per aviser lur partenza:

• legitimaziun d‘esters

• ulteriuras infurmaziuns: Uffizi da migraziun e da dret civil

eUmzugCH

Dumandas per cartas d’identited paun gnir fattas directamaing tar l’administraziun cumünela da Silvaplauna. Ch’Ella/El passa persunelmaing al fnestrigl da la controlla d’abitants cun üna fotografia da passaport actuela (in format confuorm a las prescripziuns).

Dumandas per passaports, passaports provisorics scu eir la cumbinaziun da passaport e carta d’identited paun gnir fattas tals seguaints centers da documaints d‘identited:

Uffizi da migraziun e da dret civil dal Grischun
Karlihof 4
7001 Cuira

Center regiunel da documaints d'identited Zernez
Urtatsch 147A
7530 Zernez
t +41 81 851 44 00
ausweiszernez@afm.gr.ch

Persunas cun ün vschinedi da l’UE/AECL chi lavuran maximelmaing 90 dis per an chalendari in Svizra nu drouvan ün permiss per fer que. Ellas stöglian però gnir annunzchedas da lur patruns svizzers. L’ingaschamaint stu gnir annunzcho a las instanzas il pü tard ün di aunz cha la lavur cumainza. Per la procedura d’annunzcha es respunsabel l’Uffizi per industria, misteraunza e lavur dal Grischun. Dumandas per ün permiss da dmura cuorta cun üna düreda d‘ingaschamaint da fin a 90 dis vegnan rinviedas a la procedura d’annunzcha.

Scu persunas cun activited da guadagn velan las seguaintas persunas:

• persunas cun activited da guadagn dependenta chi lavuran per ün patrun ester cun domicil in ün pajais da l’UE/AECL (persunas delegedas)

• furnituors da servezzans independents chi sun vschins d’ün stedi da l’UE/AECL

• persunas cun activited da guadagn dependenta cun ün vschinedi da l’UE/AECL chi aintran in plazza tar ün patrun svizzer

14 dis temp da preannunzcha
L’annunzcha online per ingaschamaints da lavur ho da gnir fatta fin il pü tard 14 dis aunz il cumanzamaint previs da las lavuors in Svizra. Ad es scumando explicitamaing da cumanzer la lavur, aunz cha’ls 14 dis sajan scuors. Lotiers es da resguarder cha mincha activited da guadagn es in princip suottamissa a l’oblig d’annunzcha.

Daspö la sted 2021 vegnan fattas be pü las nouvas legitimaziuns in format da carta da credit.

Per survgnir üna nouva legitimaziun stöglian persunas dals stedis da l’UE/AECL registrer digitelmaing lur fotografia e lur suottascripziun in ün dals duos centers da documaints d’identited dal chantun Grischun a Cuira u a Zernez. Quista fotografia e la suottascripziun velan 5 ans.

L’invid per registrer las datas biometricas succeda tar cunfinarias e cunfinaris directamaing sur il patrun resp. la patruna. Dmurantas temporeras e dmurants temporers cun ün permiss L, dmurantas e dmurants cun ün permiss B scu eir abitantas ed abitants cun ün permiss da domicil C survegnan üna charta cun l’invid per registrer la biometria.

Tuot las legitimaziuns d’esters existentas restan valablas, fin ch’ellas scadan. Üna nouva legitimaziun vain fatta i’l ram d’ün prüm permiss, d’ün prolungiamaint da la legitimaziun scu eir in cas d’ün müdamaint relevant concernent la legitimaziun u in cas d’üna perdita.

Inoltrer dumandas scu fin uossa a la vschinauncha
Las dumandas vegnan inoltredas scu fin uossa a la controlla d’abitants da la vschinauncha. Nouv es però cha nu s’ho pü da metter tiers üna fotografia da pass. Requirentas e requirents survegnan da l’Uffizi per migraziun e dret civil ün invid da fixer ün termin in ün center da documaints d’identited, apaina cha’l permiss dumando po gnir do. Aunz cha s’hegia survgnieu quist invid, nun es que pussibel da registrer la fotografia e la suottascripziun. Il producent trametta las legitimaziuns scu fin uossa sur la vschinauncha.

Ulteriuras infurmaziuns as chatta süllas paginas d'internet da la Confederaziun e dal Chantun:

Post specialiso per l'integraziun dal Grischun
Engadinstrasse 24
7001 Cuira

Persunas da naziunalited estra paun s’acquister il vschinedi svizzer, sch’ellas accumpleschan las premissas leghelas per üna natüralisaziun.

La dumanda ho da gnir inoltreda culs documaints bsögnaivels a l’Uffizi da migraziun e da dret civil dal Grischun (UMDC), partiziun natüralisaziun e dret civil, Grabenstrasse 15, 7001 Cuira.

Infurmaziuns detagliedas survain Ella/El sün www.gr.ch

Per la procedura e la decisiun in connex culla natüralisaziun faciliteda es respunsabla la Confederaziun. Las dumandas haun da gnir inoltredas al secretariat da stedi per la migraziun (SEM).

Infurmaziuns detagliedas survain Ella/El sün www.gr.ch

Bund

12 Jahre, wovon 3 in den letzten 5 Jahren (die Zeit zwischen dem 10. und 20. Lebensjahr zählt doppelt).

Kanton*

6 Jahre, wovon 3 in den letzten 5 Jahren

Wohnsitzgemeinde*

zwischen 4 bis 12 Jahre: Informationen über die erforderliche Wohnsitzdauer erhalten Sie bei der Bürgergemeinde – sofern keine vorhanden bei der politischen Gemeinde – an ihrem Wohnsitz. In Silvaplana sind es 6 Jahre, wovon drei durchgehend in den letzten drei Jahren.

Erleichterungen

Für gesuchstellende Personen, die seit 3 Jahren in ehelicher Gemeinschaft mit einer Person leben, welche die ordentliche Wohnsitzdauer erfüllt und gleichzeitig ein Einbürgerungsgesuch stellt oder bereits allein eingebürgert worden ist, genügt ein Wohnsitz in der Schweiz von 5 Jahren, wovon 1 Jahr vor Gesuchseinreichung.

Im Kanton* und in der Wohnsitzgemeinde* ist ein Wohnsitz von 4 Jahren erforderlich.

* Es wird nur die Zeit angerechnet, in der die Gesuchstellerin oder der Gesuchsteller über eine Aufenthaltsbewilligung zum dauernden Verbleib (Ausweis C und B ohne Schüler- und Studenten- und Studentinnenbewilligungen; Ausweis L nur bei Erteilung im Rahmen eines ununterbrochenen Aufenthaltes) verfügt hat.

Eignung

Eingebürgert werden kann nur, wer:

• in die kantonale und kommunale Gemeinschaft integriert ist;

• mit den kantonalen und kommunalen Lebensgewohnheiten und Verhältnissen sowie einer Kantonssprache vertraut ist;

• die schweizerische Rechtsordnung beachtet;

• die innere und äussere Sicherheit der Schweiz nicht gefährdet und

• über eine gesicherte Existenzgrundlage verfügt.

L’extrat dal register penel po gnir pusto online directamaing tar l‘Uffizi federel da güstia (UFG).

La taxa per l’extrat po gnir pajeda tar postaziuns online culla carta da credit u culla postcard. Il pajamaint antecipo cun ün vagl da pajamaint sülla posta resta inavaunt pussibel.

L’extrat da scussiun po gnir pusto directamaing tal Uffizi da scussiun e fallimaint da la Regiun Malögia a Samedan.