Naschentscha, marida, mortori

In seguit chatta Ella/El tuot las infurmaziuns importantas davart ils temas naschentscha, marida e mortori.

Silvaplauna es ün lö per viver – da la naschentscha fin a la mort. L'uffizi dal stedi civil da la Regiun Malögia es respunsabel per la documentaziun dal stedi civil. Per exaimpel tar naschentschas, arcugnuschentschas, maridas, mortoris u tar declaraunzas da nom. El as rechatta al plaun terrain da la Chesa cumünela a San Murezzan.

Uffizi dal stedi civil

La lavur principela da l'uffizi dal stedi civil es la documentaziun dal stedi civil. El cussaglia davart:

• naschentscha

• arcugnuschentscha

• marida

• mortori

• declaraunza da nom

• postaziun da documaints

Naschentscha

Cò chatta Ella/El infurmaziuns importantas davart il tema naschentscha. Ch'Ella/El nu schmauncha da registrer a Sieu iffaunt zieva la naschentscha tar l'uffizi dal stedi civil da la Regiun Malögia.

Marida resp. nozzas civilas

Ella/El vuless as marider? Nozzas civilas as po fer eir illa bellischma sela dal cussagl illa Chesa cumünela da Silvaplauna. Per las nozzas civilas da la vschinauncha da Silvaplauna es respunsabel l'uffizi dal stedi civil da la Regiun Malögia. Tuot las ulteriuras infurmaziuns chatta Ella/El sülla pagina-web dal uffizi dal stedi civil.

Mortori

Pels relaschos es la mort d'üna persuna chi'ls sto a cour ün'experienza dulurusa. La vschinauncha da Silvaplauna La/Al sustegna gugent düraunt quist greiv temp. Las seguaintas infurmaziuns güdan ad evader las formaliteds necessarias.

Testamaint

Cunter üna taxa unica da CHF 35.- paun gnir deponieus illa chanzlia cumünela testamaints, ultimas disposiziuns, contrats da matrimoni e contrats d'ierta.

Cò as po puster attests d'ierta.

Sunteri

Sül territori cumünel da Silvaplauna ho que duos sunteris. Il sunteri per las abitantas e'ls abitants da Silvaplauna e Surlej as rechatta tal parkegi Mulets a Silvaplauna, quel per las abitantas e'ls abitants da Champfèr aint il God Albana.

Sepultüras

Per l'organisaziun da funarels as po Ella/El drizzer directamaing a la chanzlia cumünela da Silvaplauna – t +41 81 838 70 72. La vschinauncha da Silvaplauna surpiglia ils cuosts da mortori (il transport a la cremaziun e la cremaziun) cunter preschantaziun dal quint pajo da l'institut da sepultüra resp. dal crematori.