Il proget da generaziuns ho uossa nom SILVAPLAUNA VIVA
A Silvaplauna vivan umauns da tuot las gruppas d’eted. Displaschaivelmaing nun es il contact direct pelpü fich grand. Scu scoula da Silvaplauna-Champfèr essans nus però da l’avis ch’umauns giuvens possan profiter d’umauns pü vegls e viceversa. Perque ho la suprastanza cumünela fundo la cumischiun «generaziuns».
Il böt es d’elavurer üna spüerta attractiva e varieda per tuot las abitantas e’ls abitants. I’l proget da generaziuns vegnan umauns da differentas eteds reunieus per passanter ün pêr bellas uras da cumpagnia, ma eir per cumbiner las spüertas cun chosas nüzzaivlas pel minchadi.
Scha nu vain indicheda üngüna eted, schi paun tuots as parteciper al program. Ch’Ella/El s’annunzcha in cas da dumandas per plaschair tar Rosmarie Giovanoli, t +41 81 838 70 98. Annunzchas per las differentas spüertas vegnan gugent pigliedas incunter fin il pü tard 5 dis aunz l’occurrenza, eir que da la chanzlista cumünela.
