Daspö il 1991 vegnan ils gods da las duos vschinaunchas politicas Segl e Silvaplauna cultivos d'üna gestiun forestela cumünaivla. Ils gods da las duos vschinaunchas cumpiglian insembel üna surfatscha da 1'380 ha. Da quellas sun 1'265 ha gods productivs da larschs e dschembers sül s-chelin d'otezza subalpin superiur. Il tagl annuel importa 1'100 mct (meter cubic da tariffa). Que correspuonda incirca a la quantited da laina cha nus schmerdschains in media düraunt ün an per cultiver il god. L'augmaint da laina annuel es gnieu calculo approximativmaing a 3'160 mct. Quelo correspuonda ad ün cub da lain cun üna lungezza laterela da var 18 cm chi crescha zieva infra ün minut!
Cun excepziun dals temps da glatsch eiran valledas scu l'Engiadina üna vouta cuvernedas tuottafat cun god (arsalv ovas e laviners). Cur cha nus umauns ans vains domicilios, vainsa cumanzo ad occuper viepü spazi e chatscho fermamaing inavous il god. I'l 19evel tschientiner, zieva cha la granda part dals gods eira gnida runcheda, s'ho realiso l'importanza dals gods, e dal 1876 ho la Confederaziun delibero la prüma ledscha federela da god. Daspö lo s'ho la surfatscha dal god darcho augmanteda. Hoz es circa 1/3 da la Svizra zavro scu surfatscha da god. E quista surfatscha ho uossa da gnir mantgnida.
Culla cultivaziun dürabla da noss gods pruvainsa d'eviter la fasa da decumposiziun natürela dals gods per pudair ragiundscher ün god a s-chelins cun üna plantaziun stabla. Cun schmerdscher singuls bös-chs pü vegls pisserainsa cha'ls razs da sulagl rivan fin giò'l fuonz dal god. Cotres paun crescher generaziuns da bös-chs pü giuvnas e que's fuorman gods a s-chelins cun bös-chs da püssas generaziuns in ün spazi stret.
Uschè riva il god d'accumplir a lungia vista sias lezchas. Il god ho nempe numerusas funcziuns importantas: Traunter oter ans protegia'l da prievels natürels, furnescha laina ed ova da baiver, es spazi da viver per plauntas e bes-chas ed ün lö tschercho da recreaziun.
NOSSAS LEZCHAS E NOSS SERVEZZANS
cultivaziun dal god
vendita da laina arduonda
vendita da laina d'energia in fuorma da fessels e zipledas
mantegnimaint da las vias forestelas
lainaria d'üert e lainaria speciela
construcziuns da silvicultura e da lain
collavuraziun i'ls stabs directivs da la vschinauncha scu cusglieders locals pels prievels natürels ed illas cumischiuns da lavina actuelas
TEAM FORESTEL
| IMPIEGOS DA TUOT AN | |
|---|---|
| Martino Lorenzo | silvicultur da revier, cusglieder local pels prievels natürels e commember da la cumischiun da lavinas da Silvaplauna |
| Della Briotta Stefano | mecanist (pensum parziel) |
| IMPIEGOS A PENSUM PARZIEL (STED) | |
| Matthey Marc | bos-cher, suppleant dal silvicultur da revier, instructer e maschinist |
| Padrun Edi | bos-cher maschinist |
| Räz Curdin | bos-cher |
| Padrun Sandro | bos-cher |
| Kloos Martin | bos-cher |
Giarsuns
Pel mumaint nu vainsa üngüns giarsuns.
In cas d'interess po Ella/El gugent s'annunzcher tar nus.
FOTOGRAFIAS
Uffizi forestel
Via Pas-chs 35
7514 Segl-Maria
Öffnungszeiten
MO-FR
07:00 – 12:00 Uhr
MO-FR
13:00 – 17:00 Uhr
Servezzan forestel da Segl e Silvaplauna
Ihr Kontakt
Lorenzo Martino