Causa las festiviteds in sanda, ils 1. avuost 2026 i'l minz da la vschinauncha da Silvaplauna, do que las seguaintas restricziuns da trafic e serredas da vias:

• A partir da lündeschdi, 27 lügl 2026 cumainzan las lavuors da construcziun per la festa naziunela. Düraunt quist temp po que der impedimaints da trafic da cuorta düreda sülla Plazza dal Güglia. 

• da venderdi, 31 lügl 2026, 07.30, fin dumengia, 2 avuost 2026, a las 10.00 Uhr, restan la Plazza dal Güglia, la Via dal Farrer (a partir da la chesa da parker Munterots), la Via Traviers scu eir la Via Maistra (a partir da la Chesa La Staila) serredas per tuot il trafic. L'access a la Plazza dal Güglia sur la Via vers Mulins davent dal restorant The Hut es serro. Ils sviamaints correspondents sun signalisos.

• L'access a las garaschas e plazzas da parker da las immobiglias Albana Hotel, garascha Chesa Sêla, Ches’Arsa, Chesa Flugi, Chesa Enea, Chesa Julier Palace, Chesa Paravicini, Chesa da la Posta, Chesa Mastrel e Chesa Volg nun es eir na pussibel düraunt quist temp. La Via Plazzet es ragiundschibla sur la Via Munterots.

CO chattan Els il program da la Festa Granda

Nus ans allegrains d'Als pudair bivgnanter in sanda, ils 1. avuost a la Festa Granda a Silvaplauna.