I'l decuors dal proget da l'amplificaziun da l'adressaziun d'edifizis illa imsüraziun ufficiela (IV) ed i'l register d'edifizis e d'abitaziuns (REA) stöglian tuot las vias chantunelas principelas e da colliaziun illa IV gnir cumplettedas geometricamaing.

Tar l'adressaziun dals edifizis as tratta que da garantir ün'adressaziun logica per l'ütiliseder. Ils utiliseders principels sun persunas chi nu cugnuoschan il lö, chi sun dependentas da's chatter aint simpel, ma eir cha vain garantieu a las organisaziuns da glüsch blova ün access uschè simpel scu pussibel sainza obstaculs.

Tres l'activited cumünela e principelmaing tres l'activited da fabrica chantunela ill'infrastructura da trafic s'ho müdo qualchosa, uschè cha que fo uossa dabsögn da reveder parzielmaing l'adressaziun dals edifizis.